Áhugaverður fyrirlestur um uppboðsleiðina í sjávarútvegi

Torbjörn Trondsen, prófessor í sjávarútvegsfræðum við Háskólann í Tromsö, heldur opinberan fyrirlestur í boði Hagfræðideildar Háskóla Íslands, þriðjudaginn 25. mars n.k.

Í fyrirlestrinum tekur hann fyrir viðfangsefni sem hefur víðtæka skírskotun í íslenskum sjávarútvegi og nefnir fyrirlesturinn:

THE ECONOMIC AND SOCIAL JUSTIFICATION OF FISHING QUOTA AUCTIONING
(Hagrænt og félagslegt réttlæti með uppboði aflaheimilda)

Fyrirlesturinn hefst kl. 11.45 og fer fram í Hátíðasal Háskólans.

Félag frjálslyndra jafnaðarmanna vekur athygli félagsmanna á þessum áhugaverða fyrirlestri eins fremsta sérfræðings Norðurlandanna í úthlutun fiskveiðiheimilda og efnahagsleg og félagsleg áhrif útboðsleiðarinnar. Hér kemur mikilvægt sjónarhorn að utan í þá umræðu sem fram fer um yfirvofandi breytingar á fiskveiðistjórnunarkerfinu á Íslandi og veiðigjöldum. Hvetjum félagsmenn til að mæta og vekja athygli annarra á þessum fyrirlestri.

Torbjörn er fæddur 1948.  Hann lauk dr. scient prófi í sjávarútvegsfræðum frá Háskólanum í Tromsö árið 1985.  Rannsóknir hann snúast m.a.um fyrirkomulag á úthlutun aflaheimilda, án endurgjalds eða á opinberum leigumarkaði. Hann hefur rannsakað skipulag virðiskeðjunnar í sjávarútvegi víða um lönd. Hann var m.a. fenginn til að gefa álit á kvótaúthlutunum í Chile, hann hefur rannsakað samkeppnishæfni norsks saltfisks á Spáni og samspil kvótakerfa og markaðssetningar.  Torbjörn hefur skrifað fjölda greina og bóka, einn eða með öðrum um markaðssetningu fiskafurða og um fiskveiðistjórnun.